Der Teufel und das Münchner Bier - Der Text zum kleinen Hörspiel

Ein kleines Hörspiel vom Liederpoet/Wolfgang Weise
GEMA: 5.753.391

Beschwörung:

Da Deifi kimmt da Deifi kimmt pfui deifi schau da Deifi kimmt
da Deifi kimmt weil es eahm stinkt denn drunten in der Höll'
da gibts kein Münchner Bier

Der Teufel:

I kumm von drunt bin schwarz vor Zorn

was iss nur aus mir Deifi worn

I sitz da drunt bei dera Hitz und schwitz und schwitz und schwitz und schwitz

und Ihr da droben, auch hier im Saal

wenn Ihr an Durst habt's, habt's die Wahl 

a Hells, a Dunkels frisch vom Faßl

da habts ihr allerweil a Gschpassel

I kriag nur Wasser doch was drinkts ihr ?

an Zauberdrank ein Elexier oder gar des guade Münchner Bier

ohne Chemie aus der Natur nach den Reinheitsgeboten nur

bayrisch gebraut , ich habs mir oft gedacht

das des aus diesem Saft was b'sonders macht

daß die Frauen schöner wern und junge Stier die alten Herrn

wo Haare sprießen selbst auf Platten die vorher keine Haar mehr hatten

wo'd Fingernägeln plötzlich wachsen Krampfadern verschwinden aus de' Haxen

mancher Busen der werd' straff  und manches Mannsbild werd zum Aff'

denn so a Bier des hat a Kraft wias a a Deifi net leicht schafft

drum breichat i bei mir da drunt' an Brauer der des machen kunnt

doch wie soll i des kannt mi fuchsen dem da drom oan obiluchsen

denn sann die guaden Brauer fertig auf der Erden

Sie sofort dort oben Engerl werden

und nur die Panscher von so am Kopfwehbier

die werden Brauer drunt' bei mir

Pfui Deifi so a g'schlamperts Pack

die braun' a Bier des hot koan Gschmack

und a koan Schaum koa Farb koa frisches Prickeln

es hilft auch nicht bei uns're Pickeln

die uns plagen bei dem Schwefeldampf

na so a Bier des is a Krampf

ganz anders is des Münchner Bier

und drum bin i heit hier

zur Zeit da muaß i wieder fasten da brauch i wenigsten an Kasten

des war g'sund  ----    den nimm i mit zu mir nach unt'

oder besser glei a Faßl des war schlau

vielleicht hilfts auch bei meiner Frau

daß sie a bisserl scheener werd

gebt's mir was mit seid's net so gscherd

dann versprich i euch    --    wenn ihr des woit

daß koan von eich da Deifi hoit    ----   PROST

© 2011  Wolfgang Weise

Hier gibt es die Musik dazu: http://www.liederpoet.net